سمكة نابليون أو الطربانى أو التربانى ( توجد بالبحر الأحمر )

السمكه من أشهى اللحوم ولاكن مهدده بالانقراض نظرا لندرتها وبها ظاهره غريبه حيرت العلماء بتقدر تقلب من ذكر الى أنثى والعكس ولا يوجد تفسير حتى الآن لذلك يجب المحافظة عليها لأنها تتكاثر ببطىء شديد والغريب ان صيدها اسهل مما يمكن (( ببيضه مسلوقه )) بدون سناره وتحدث ظاهرة تسمم للسمكه مما يجعلها تطفو فوق الماء بعد نصف ساعه تماما ويتم سحبها .
السحب بخيط 120 مم نظرا لحجم السمكه التى يزيد طولها عن المترين فيجب رمى الجلب لمسافه بعيده عن البوت
صغار الطبربانى تصاد ( بالتوشيح والطعم سردين )

خطوات شراء زودياك فى مصر وترخيصه خطوة خطوة

اول خطوة (رخصه القياده ) :
1- هتصرف فى حدود 1800 جم
أولا تتصل بمعهد تدريب الموانئ باب 27 الجمرك فى القبارى الاسكندريه يعنى فى المنطقه الجمركيه تبع الاكاديميه العربيه للعلوم والتكنولوجيا وارقامهم هيه 03/4833144, 03/4843859 وتعرف ميعاد الدورة وهيه كل شهر مرة 3 ايام .
تروح فى اول يوم وتدفع 1500 جم بس وتحضر 3 ايام.
بعد 21 يوم بتاخد من عندهم شهاده باتمام الدورة الثلاثه ايام .
وبتحضر الاتى :
1- فيش وتشبيه باسم الهيئه المصريه لسلامه الملاحه البحريه(وده للرخصه المهنى فقط ) .
2- كشف طبى باطنه ونظر مختوم بختم النسر من مستشفى حكومى
3- 3 صورة شخصيه
4- صورة شهاده الميلاد
صورة شهاده التجنيد
صورة شهاده الدورة تعليم قياده العائمه
جواب من التامينات( للرخص المهنيه فقط وليست الخاصه)
مبلغ 25 جم
وبعد تجهيز المطلوب تروح على باب 22 تطلع تصريح دخول الميناء فى نص ساعه وبعدين تطلع على باب 1 تدفع ال25جم وتطلع الرخصه .
بس المهم تروح بدرى لان التفتيش بيفتح 9 ويقفل تقريبا 12.5 ظهرا
ثانى خطوة :
1- الزودياك طوله 3.50 متر ومعاة منفاخ قدم واتنين مجداف ووحده تصليح وله ارينا نفخ وارضيه خشب مش الومنيوم بس مدهونه كويس بمواد عازله للماء بالنسبه للسعر تقريبا فى حدود 4200 جم
2- - الموتور ياماها من التوكيل - 9.9 حصان 2 ستروك 2بحوالى 14800 جم أو البارسون 15 حصان 4 ستروك بحوالى بعشرة الاف بس ممكن تعمله زياده فى الترسه بتاعه الزودياك علشان يقلل الطول .
- الموتور لازم يكون معاة افراج جمركى وفاتوره
- الزودياك اذا كان بفاتورة بس مينفعش فى التفتيش البحرى للترخيص لازم شهاده منشا يااما تخلى الشركه المصنعه تعملها يا اما تشتريها
ثالث خطوة (ترخيص الزودياك ) :
1- بتخلص تقريبا فى يومين يوم للتسجيل ويوم للمعاينه بس يكون الورق جاهز وهو
- رخصه القياده الخاصه وصورتها .
- اصل فاتورة الموتور مع الافراج الجمركى .
- الافراج الجمركى للزودياك لو مستورد او شهاده منشا لو محلى او مستعمل .
والمصاريف كالاتى :
- 90 جم مصاريف تسجيل اول مرة
- 30 جم تامين اجبارى لكل فرد على المركبه البحريه
- 50 جم م معاينه
- 50 شهاده طفايه ولو عاوز تشترى الطفايه من عندهم بحوالى 120جم.
- 30 جم عوائد سنويه
وطبعا اعمل حسابك ان فى اكراميه للمهندس بتاع المعاينه وطبعا تضبط معاة علشان يوم المعاينه يعنى قبل ماتشيل الزودياك والموتور وطبعا لازم يكون فيه لايف جاكت على قد عدد الافراد وارقام تفتيش السويس062/3191359 , 062/3912275 .
وكمان علشان الزودياك 3.50متر أحيانا المهندس بيتنشن ويخليه 3 افراد بس لانهم بيقولوا فرد لكل متر طول
رابعا خطوة (حرس الحدود) :
تجهز صور تسع اوراق فى 3 دوسياهت منفصله :
1- صورة الزودياك فوتوغرافيا وعليه اسم الزودياك اللى انت هاتسميه فى شهاده المنشا .
2- صورة فاتورة الزودياك مع الافراج الجمركى .
3- صورة شهاده منشا الزودياك او الافراج الجمركى بتاعه .
4- صورة رخصه القياده .
5- فيش باسم (مكتب مخابرات حرس الحدود) .
6- صورة البطاقه .
7- 3 اوراق خاصين برخصه الزودياك .
8- عدد اتنين دفتر .
9- استلم الرخصه ومبروك عليك

كيف تحافظ على أدوات الصيد – صيانة أدوات الصيد

أن اهم عوامل المحافظة علي أدوات الصيد هو اجراء بعض اعمال الصيانة الدورية و السنوية .
اولا الصيانه الدورية
و هى الصيانة التى يجب ان تقوم بها بعد كل عملية صيد مباشرة و تتم كما الخطوات التالية
1 – يتم فتح القاعدة السفلية لقصبة الصيد الفيبر واخراج وصلاتها وغسلها بالماء العذب لمدة 15 دقيقة و ذلك لازالة اثار الملح او الرمال العالقة بها .
2 – يتم تركها لمدة ساعة و نصف الى انت تتاكد انهة لا يجود بها اثار من الماء الذى قمت بغسلها بة .
3 – ثم يتم وضعها في مكان جاف بة هواء متجدد لتتاكد انها جفت تماما .
4 – يتم فك غطاء الماكينه (البكرة الدوارة) و الجزء الذى يتم تجميع علية الخيط ووضعها في ماء دافيء وذلك لازاله اثار الملح من علي الخيط .
5 – باستخدام فرشاة اسنان ناعمة يتم ازاله اي اثار رمال من علي الماكينه .
6 – يتم قص 2.5 متر من الخيط اول الخيط .
7 - فى حالة وجود اثار للصداء يجب ازالتها فورا وذلك بمسحها بقطعة من القطن مبللة بزيت الفرامل (وهو الزيت الذى يستخدم فى فرامل السيارات ) وبعد 15 دقيقة يتم مسحها جيدا من اثارالزيت ويتم عزل السطح تماما عن الهواء وذلك برشة بطبقه من الاسبراي الدوكو اذا كان في الاصل مدهون او عزلة بطبقه من الورنيش الفلوت اذا كان السطح في الاصل لامع وذلك لمنع عودة الصداء مرة اخرى .
8 – فى حالة وجود حلقات بها تلف يتم استبدالها فورا .
9 – يتم وضع الماكينة (البكرة الدوارة) في كيس من البلاستيك وذلك لحمايتها من الرطوبة و الصداء.
ثانيا الصيانة السنوية
وهى الصيانة التى يجب ان تقوم بها فى نهاية موسم الصيد و ذلك قبل ان تترك الماكينة او القصبة لمدة طويلة . و تتم كما الخطوات التالية
1 – يتم فك غطاء الماكينه (البكرة الدوارة) و الجزء الذى يتم تجميع علية الخيط ووضعها في ماء دافيء وذلك لازاله اثار الملح من علي الخيط .
2- يتم مسح الماكينه (البكرة الدوارة) بفوطة مببله بالماء وبفرشاة الاسنان يتم ازالة اثارالرمال .
3 – افتح الماكينه (البكرة الدوارة) وذلك بفك المسامير وازالة الغطاء , واستخدام سائل التنظيف مخصص لازاله الشحم القديم ثم اترك الماكينة (البكرة الدوارة) لتجف تماما .
4 – فى حالة وجود اثار للصداء يجب ازالتها فورا وذلك بمسحها بقطعة من القطن مبللة بزيت الفرامل (وهو الزيت الذى يستخدم فى فرامل السيارات ) وبعد 15 دقيقة يتم مسحها جيدا من اثارالزيت ويتم عزل السطح تماما عن الهواء وذلك برشة بطبقه من الاسبراي الدوكو اذا كان في الاصل مدهون او عزلة بطبقه من الورنيش الفلوت اذا كان السطح في الاصل لامع وذلك لمنع عودة الصداء مرة اخرى .
5- اعد تشحيم الماكينه (البكرة الدوارة) وذلك باستخدام شحم ابيض اللون ( المستخدم فى تشحسم ناقل الغيار فى السيارات – الفتيس – الجير) ولا تستخدم الشحم الاسود لانه ثقيل ويعيق سرعة دوران الاجزاء .
6 -يعاد اغلاق الماكينة(البكرة الدوارة) بعد اجراء عملية التشحيم ثم يعاد تركيب غطاء الماكينة (البكرة الدوارة), و يتم وضع الماكينه (البكرة الدوارة) في كيس بلاستيك ومعها كيس صغير به بعض وحدات من مانع الرطوبه .
7 – يتم فتح القاعدة السفلية لقصبة الصيد الفيبر واخراج وصلاتها ومن ثم غسلها بالماء العذب لمدة 15 دقيقة و ذلك لازالة اثار الملح او الرمال العالقة بها .
8 – يتم تركها لمدة ساعة و نصف الى انت تتاكد انهة لا يجود بها اثار من الماء الذى قمت بغسلها بة .
9 – ثم يتم وضعها في مكان جاف بة هواء متجدد لتتاكد انها جفت تماما .
10 – فى حالة وجود حلقات بها تلف يتم استبدالها فورا , ثم يتم طلاء جميع الحلقات بطبقة من ورنيش الفلوت .
11- يعاد تجميع البوصه , و يتم رش اجميع الاجزاء المطاطية ( الكاوتش) ترش بطبقة من بودرة التلك التى تستخدم لاطفال و ذلك لمنع تأكلها والتصاقها بعضها ببعض .
12- توضع القصبة (البوصه- السنارة) في كيس بلاستيك ومعها كميه من مانع الرطوبه

السمك والوقوع في الهوك

مثلا عندك سمك الشعور و الخرمى و المحسنى كلهم فصيلة الأمبرطور ))Emperor fis )) طبعا بيختلفوا فى اللون و الشكل و الحجم و عفوا قبل ما انسى ينضم اليهم البنجز
انما وقت الضرب او الأكل يكادوا يكونوا نفس الشىء بمعنى ضربة او اتنين جامدين فثانيتين هدوء فضرب شديد و سحب جرى و اول ما بتشد عليها تشعر بأن السمكه بتحاول تاخدك لتحت بينما هى معرضه اصلا و عايمه بالعرض مع محاولة الأفلات من السن طبعا
ممكن تطلع معاك شوية و تلاقيها بتكرر نفس الموضوع تانى و تالت لحد لما ربنا يكرمك بيها
التوين و الناجل انت اصلا بتكون معلقله فوق الأرض ممكن بمتر او اتنين حتى و ده ما بيتفاهمش يعنى هبده و خبطه واحده و كل اللى عليك انك تفضل معلق ايدك علشان ترفع دماغها و تقدر تطلع بيها و ساعتها كأنك طالع بشوال بطاطس بدون ادنى مقاومة و لو ان الناجل ممكن يعرض فى السكه و طبعا كل الكلام ده على حسب الغرق و العمق يعنى ال20 غير ال40 فالميه الأقل المقاومه اعلى و اشد
نيجى للبهار و ده فى رأى اعفى و احلى سمكه فى شغلها لأنها ما بتتهدش بسهوله و بتضرب بدماغها اتجاه الأرض و تطلع مترين تلاته و تكرر نفس الحكاية و هكذا ممكن خمس ست مرات قبل ما تتعب
القرش هيسحب الخيط منك زى الصاروخ و بالكاد لو قدرت تصد عليه خصوصا لو حجمه كبير بالأضافه الى انه هتلاقيه بيبرم و يلف حوالين المركب و ممكن يجيبلك الخيوط كلها فى بعض
الشراغيش : تنقر مرة والتانية والتالتة تخش على الطعم وهي طالعة تعمل 3 دكات ( وقفات أو فرملة) وتكرر ها لغاية ما تطلع
الدنيس : يمسك العقر بالفم ويمشي بيه شوية ولما يطمأن يبتدي ياكل فلازم تشكم واحدة جامدة علشان فمة به غضاريف ، ولما يشبك في السن ويطلع معاك لكم تلكيمة أو اتنين ..وبعد وقت قصير كرر نفس الموضوع
الحلوف : تنقر نقرة والتانية تآكل ولما تشبك معاك ملهاش أي مقاومة وممكن تحس أنها راحت منك علشان بتعوم معاك في اتجاه الشد
الغوزيلة : تهجم على البرغوت من كترها وتخش بالعة ، وهي طالعة ترعش البوصة كان فيه كهرباء
البغبغان الاحمر : نفر بشده لاسفل ولما يشبك يطلع تقيل جدا بشكل لا يتناسب مع حجم السمكة ، والحرص في تسليكه لان له قدرة على لف رأسة في اتجاة الاصابع وعضها عضة قوية
الوقار : يبلع وله شده قوية لاسفل وليس له أي مقاومة وممكن دكة واحدة وبعدين يطلع زي الشوال
الاخطبوط : شدة لاسفل وتقل غير عادي ، ورفع بصعوبة ، ومسك في الأيادي وحبر وزروطة

ماذا تفعل عند تعرضك لهجوم من سمكة القرش

1- يجب ان تتحلى بالهدوء و ان توضح اهدافك و هى انك تريد ان تخرج من البحر باسرع وقت ممكن دون التعرض للأصابة وهذا خطاء ولكن الهدف هنا النجاة بحياتك وليس الخروج من الماء فلا يمكنك ان تسبح اسرع من القرش , لا ترتبك وكن هادئا لتفكر كيف يمكنك ان تنجوا .
2- دائما ابقي ئظرك على سمكة القرش حتى ولو ابتعد عنك فربما يريد ان يأتيك فجأة ليفترسك لا تسمح لة بذلك فإذا اردت الدفاع عن نفسك فيجب ان تراه حتى وانت تهرب.
3- اتخذ وضعية الدفاع فاذا كنت تغوص فالشعب المرجانية او الصخور هى امن مكان تستطيع وضع ظهرك عليه حتى تهتم بما هو امامك فقط .
4- ابداء وبقوة بضربه على الخياشيم والعين , ولا تضربه على ( انفه) لان اكثر الناس يعتقد ان انف القرش حساس وهذا خطأ وخطر لقرب الانف من فمه , ركز فى الضرب على العين والخياشيم و ذلك باستخدام مسدس الصيد او اى قطع حديدية يمكن ان تصل اليها يديك , وابعدة رشه بالفقاقيع من قطعة الفم الاحتياطية
5- البدء فى المرحلة الاخيرة لاستعداد للخروج من الماء وذلك اذا كان القارب قريب فقم بمناداته بهدوء ولاكن بصوت واضح ولا تتحرك وانت تنتظرهم قم بالركوب بسرعه وبدون اي حركة عشوائية. واذا لم يكن لديك قارب فقم بالسباحة بسرعة وبهدوء الى الشط وتذكر ان رذاز (طرطشة) الماء والفقاقيع الناتجة عن ضرب الماء بقوة يثير القرش فافضل طريقة للسباحة هي السباحة للخلف بعضلات الصدر فرد اليدين ثم ضمهم مع مراعاة مراقبة القرش وابقاء اليدين في الماء وتجنب السباحة ببطء كى تظهر كفريسة مصابة للقرش.
6. اذهب لاقرب مستشفى حتى لو كانت جروح صغيره .
نصائح
1- اذا كان معك صيد فقم بالتخلص منه والسباحة بعيدا عنه .
2- تذكر ان تتنفس وانت تقاتل القرش فيجب انت تكون رئتاك دائما مليئة بالهواء اذا سمحت لك فرصه للهرب اوسحبك القرش للعمق فيمكنك حبس نفسك .
3- لا تيأس فطالما انت تقاتله هناك فرصة للنجاة .
4- ان القرش يجد صعوبة في عض ماهو عامودي لان انفه يكون في الطريق فتجب ترك يديك او رجليك افقيا مع فم القرش .
5- ان القرش يحب ان يعض فريسته ويرميها في كل مكان ليتمكن من تقطيعها فأذا قام بعضك قم بحضنه بقوه ثم قاتله لتقلل من العضات .
6- اذا لم يلمسك القرش لاتقم بضربه او اي حركه فجائية فقد يقترب من باب الفضول.
7- العين والخياشيم من المناطق الحساسة فى سمكة القرش ودائما ابتعد عن الانف.

طريقه التعامل مع السمكه جر

قبل نزول البوصة الى الماء يجب ضبط فرملة الماكينة والدراج مقفول على اخرة 16 ليبرة وهذا الرقم يوصى به معظم صانعى الماكينات نظرا لعدم وجود تحميل على الرومان بلى والتروس واتلافها وعدم فتح سن الرابلا اللى بيعتبر سنار صغير بالنسبة لسنار الجر والرقم 16 ليبرة مناسب جدا للشعر والبوصة والماكينة ومجرب وعند نزول البوصة الى الماء بنظبط الدراج فى منتصف مشوارة لسماع صوت الجرس .
عند سماع الجرس :
عند ضرب السمكة وسماع الجرس يجب اولا شكم السمكة عشان متضيعش قبل ان ترفع البوصة من الكباية اقفل الدراج الى اخرةثم قم برفع البوصة وابدء بالم
متطلبش من الريس ان يهدى سرعة المركب الا بعد ماتلم واذا السمكة عرضت ووقفت هنا تطلب منه التهدئة ولو السمكة مستجابيتش تطلب منه يلف ليقرب لك المسافة بينك وبين السمكة فى حالة نفاذ الشعر من الماكينة

لغة صيادين بحري

ارمه - الشعر مربوط بالسنار والفلة
جنطة - الجزء الرفيع فى نهاية البوصة
هلس - نبات رفيع يشبة الكنافة يوجد بالماء فى الصيف
حشف - القواقع الرفيعة المتلاصقة بالحجارة والصخور وحواف الأرصفة
وعر - المناطق الصخرية فى قاع البحر
شلح - تعلق السمكة من طرف الفم وتركها للسنارة
البرونزة - هواء بحرى شديد يعلو سطح البحر فى الصيف
غلينى - الجو الساخن والمياه ساكنة وعدم وجود ريح
الجراية - سرطان البحر الصغير الموجود فى الخضرة
التناية - سرطان البحر الصغير الموجود فى الصخر
الشنارة - جمبرى مطاول شوية
لنسة - شعر متدلى بالماء
الكبرتة - مياة ملوثة وساكنة
فليجس - سمك الدنيس الصغير
جران - سمك بورى صغير
كمبوت - سمك بورى كبير